حبيتك وبداري

حبيتك وبداري

حبيتك وبداري عليك
ليلي نهاري بفكر فيك
وبشوف أشواقك في عنيك
واستناك انت إللي تقول

وعنيا اما بتفرح بيك
وشفايفي بإسمك تناديك
واديا وهي فى اديك
ويبان قلبي عليك مشغول

حكايتي في عنيا
بتفتن علي
واداريها عنك
وبتكسفني هى
وياريتك تفهم على طول
وياريتك انت اللي تقول

وتبقى قبالي
يا اغلى أمالي
يا شاغل خيالي
وافرح بقربك
اخاف نظرة مني
تبان غصب عني
وقلبي يخوني
ويفتن لقلبك
وياريتك تفهم على طول
ويارتك أنت اللي تقول

يا قلبي يا خايف
حبيب قلبي شايف
غرامك وعارف
وبيداري عني
وليلي ونهاري
لامتي هداري
عذابي ونارى و
اقول غصب عني
وياريتك تفهم على طول
ويارت انت اللي تقول

ياريتك تجيني
تقول لي شاريني
تفرح عيوني
بكلمة احبك
ساعتها حاوقلك
مفيش حد قبلك
ولا حد بعدك
وهفضل احبك
ويارتك تفهم على طول
وياريتك انت اللي تقول

بحب البحر لمّا يزوم..
و أعشق صرخته في الريح !
بحس في موجه شوق مكتوم..
لناس حُرّة و حياة بصحيح !
..
و أحبّه لمّا يتهادي
و أدوب لمّا يوشوشني
و يفرش موجه سجادة..
في أحلامي تعيشني !
..
ملوش أول..ملوش أخر
قراره طاوي اسراره !
و دايماً في الهوي مسافر..
ولا نهاية لمشواره !
..
بحب البحر..أحب البحر..
و أعشق ضحكته و آنه !
و أحب الناس..أحب الناس..
ماهم فيهم حاجات منه !
و أحبك يا اللّي أحلامي..
في هواكي زهزهوا و حنّوا !
يا بلدي ياللّي و أنا فيكي
عيوني ليكي بيحنّوا !
..
بحب الورد فوق السور
و أعشق ضحكته الفانية
و أحس في ريحته شوق مسحور ..
لناس حرّة و حياة تانية !
..
و أحبه بين ايدين عشاقْ..
رسالة مهفهفة بأشواقْ !
و حتي و هو بلا أوراقْ
كتاب العشق ، ذكرى فراقْ
..
حياته في الهوي ليلتين..
و عمره ما كان بعمره ضنين !
يرش هواه علي الماشيين..
و يتقاسمه مع الجايين !
بحب الورد
..
بحب الورد
و أعشق ضحكته و آنّه
و أحب الناس..أحب الناس
ماهم فيهم حاجات منه
و أحبك ياللّي أحلامي..
في هواكي زهزهوا و حنّوا
يا بلدي ياللّي و أنا فيكي..
عيوني ليكي بيحنّوا !
..
بحب البحر..بحب الورد..
و أحب الناس !
و أحب نعيشها أحرار
مرفوعين الراس
ولا تفرّقنا لا الألوان ولا الأجناس
و أدوب في آدان يرفرف ، تحضنه أجراس
تعالوا نقيم لبكرة الجاي ..
يا ناس قداس